57. Anong kasalanan?

Pinilig niya ang ulo. Bakit niya ba iniisip 'yon? Hindi naman mangyayari ang bagay na 'yon.

Hindi magagawa ni Grant na gumawa ng malaking kasalanan sa kanya. Mahal siya ng asawa niya.

Mahal na mahal.

"Kiara."

Huminto siya sa paglakad at nilingon ang taong bumanggit sa pangalan niya.

"Tito Paul?"

Tumayo ang tiyuhin ni Grant mula sa bench lobby na para bang hinihintay talaga siya.

"Pwede ba tayo mag usap?"

Nagtataka man ay tumango siya. Pumunta sila sa pinakamalapit na Coffee Shop. Matapos mag order ng Coffee ay agad na nagsalita si Tito Paul.

"Binanggit ni Ate Graciela na ikaw ang nakatapos ng tattoo design na matagal na n'yang pinipilit na mabuo at hinahanap."

Naguguluhan man siya sa sinasabi nito ay nagawa niya pa rin magtanong. "Ano po ang ibig niyong sabihin, Tito Paul? Saka bakit hinahanap ni Mama ang tattoo design na 'yon?"

Hindi niya maintindihan. Bakit gano'n nalang kahalaga 'yon sa biyenan niya?

"Naaalala mo na ba kung saan mo 'yon nakita, Kiara?" Tanong nito imbis na sag