60. Captured

Palinga-linga si Olivia habang hila-hila ang dalang maleta. Dalawang araw na ang nakalipas ng mangyari ang aksidente. Ngayon nga ay paalis na siya papunta ng England para doon magtago.

Alam niya na malalaman ni Grant ang ginawa niya. Makapangyarihan ang pamilya ni Grant. Sa oras na mahuli siya ay tiyak na hindi na siya makakalabas pa ng kulungan. At tiyak siya na kahit ang pamilya niya ay walang magagawa para tulungan siya.

Huminto siya sa paglalakad ng may kalalakihan na humarang sa daraanan niya. Takot na napaatras si Olivia ng ipakita ng may edad na lalaki ang hawak na lisensya kasabay ng warrant.

"Miss Cruz, arestado kayo sa salang attempted murder sa biktimang si Mrs. Graciela Saavedra. May karapatan kang manahimik at kumuha ng abogado."

"Let me go!" Hiyaw ni Olivia habang pilit na nagpupumiglas ng hawakan siya ng dalawang pulis sa braso. "Wala akong kasalanan! It was an accident!" Patuloy na hiyaw niya kaya naman halos karamihan ng nakarinig at nakakitang mga tao ay nakatingin