Chapter 43

Matapos naming kumain ay bumaik na si Jeush sa ginagawa niya habang pinagpahinga niya lang ako sa sofa. Nababagot na ako at walang ibang ginagawa kaya pinapanood ko lang siya habang seryoso at tutok na tutok sa ginagawa niya.

May tinawagan siya kanina at matapos niyon ay sinabi niyang huwag muna akong lalabas. Hindi ko na rin tinanong kung sino iyon baka mapagkamalan pa niya akong nakikiusyuso sa kanya.

Ang weird nang pakiramdam ko kanina, Paborito ko naman ang adobo pero bigla nalang bumaligtad ang sikmura ko. Ang ending ay itinabi nalang ito ni Jeush at inilayo sa’kin. Hindi na rin niya kinain dahil ayaw niyang baka muli lang raw akong masuka. Ang sarap pa namang tiknan non pero bakit biglang nag-iba pang-amoy ko sa ulam na ‘yon. I can also feel weird feelings like madalas akong inaantok and I felt like I’m craving of something na ‘di ko masabi.

Napahinga ako ng malalim. Baka bumabawi lang ang katawan ko dahil na rin sa pagod noon naroon kami sa hacienda at biglang balik sa trabaho.