Chapter 11

MAYROONG coffee shop sa lower ground ng gusali at doon naisipan nina Reese at Ellie na magpunta na lang at hindi na sa madalas nilang pinupuntahan na coffee shop, ang Book Cafe. Pinili nila ang may kalayuan sa ibang mga customers para makapagkuwentuhan sila sandali.

Hindi naman sila nagtagal pa dahil saglit lang naman ang break nila. May kailangan pa rin tapusin si Reese sa kaniyang trabaho. Pero napag-usapan nila na sabay sila mamayang gabi magdinner. Pumayag naman siya dahil nasa Baguio na si Uno. Kakaalis lang kaninang umaga.

Wala sa mood kanina si Uno na umalis at talagang wala siyang balak na umalis dahil sa ginawa ni Sandra sa kaniya. Ngunit kailangan niyang kaibiganin muna si Sandra para hindi ito magiging dagdag problema niya habang inaayos nila ni Ellie ang kanilang kasal. Inaayos niya rin ang bahay na bibilhin niya para sa kanilang dalawa ni Ellie kapag naikasal na sila. Siguradong wala nang magagawa ang Lolo ni Uno at pamilya ni Sandra kapag nalaman nilang kasal na sila ni