Chapter 23

ELLIE

"ARE YOU sure na hindi ko na kayo ihahatid ni Reese?" Tanong sa akin ni Judah habang nag-aayos ako ng dadalhin ko sa Pampanga.

Birthday ng mommy ni Celestine at kami ang maglalagay ng flower decorations at sa amin na rin siya kumuha ng souvenir. Personal na kasama kami sa pagdedeliver dahil ininvite rin kami ni Celestine. Ika-60th birthday kaya surprise ito ni Celestine sa kaniyang mommy. Napakasweet talaga nitong si Celestine. Sa maikling panahon na nagkakilala kami at nagkasama sa mga events ay masasabi kong napakabuti niyang tao. Wala akong maipipintas sa kaniya dahil bukod sa mabait na ay napakaganda pa. Simple lang siya kung manamit pero effortless ang kaniyang ganda. Chinita si Celestine at mahaba ang kaniyang itim na itim na buhok. Lalong lumilitaw ang kaniyang kagandahan dahil maputi pa siya at napakaamo ng mukha. Para siyang anghel.

Huminto ako sa paglalagay ng maliit kong bag sa back seat at sinara ang pinto ng kotse saka humarap sa kaniya. Ikinawit ko ang kamay ko sa