Chapter 45

Pagbukas ng gate ay agad pinasibad ni Danielle ang sasakyan. Bigla siyang nagising mula sa pangyayari at hindi siya makapaniwala sa sarili. Bakit biglang nawala ang inis niya sa binata kanina at tila nagustuhan niyang makipaghalikan dito? Di kaya ginamitan siya ng hipnotismo o anumang klase ng black magic? Kulang na lang mapunit ang kanyang dibdib sa galit kanina bakit biglang nawala? Hindi pwede, tiyak niyang pinaglalaruan siya ng binata at kailangan niyang gumanti, ano sabi? Bratty at unfashionable siya? Huh! Tsura niya lang, pogi nga; plastic naman! Pinasibad niya ng mabilis ang sasakyan, tinutubuan na siya ulit ng matinding inis dito at baka sirain pa niya ang sasakyan nito. Pagdating niya sa intersection ay may nakita siyang enforcer, inilapit niya ng husto ang sasakyan sa harap nito at binuksan ang bintana. Nakakunot pa iyon na tila nainis sapagkat parang masisideswipe niya ito.

“Hi sir!”, nakangiting bati niya dito pagkatapos kinuha ang plastic na inilagay ni Wolverine sa may