Chapter 87: I Need Your Help Son

NAGULAT pa si Brianna ng mabungaran ang ama sa pintuan. Niluwagan nito ang pinto para makapasok si Brielle. 

“Morning dad!” bati nito habang naglakad pabalik sa kama. 

“Morning princess,” sa mahinang boses balik-bati ni Brielle sa anak. Agad niyang napansin ang tulog pa sa kama na si Brendon. Kahit madalas nag-aaway ang kambal hindi naman ito naghihiwalay sa higaan. Tanging isang malaking kama lamang ang nasa loob ng kwarto ng kambal. 

Sumampa ulit ng kama si Brianna at humiga. Sumunod si Brielle dito at umupo sa gilid ng kama. Dumukwang siya at hinalikan sa pisngi ang anak.

“Daddy, naman ang aga mong nanggulo, inaantok pa ako,” reklamo ni Brianna habang nakapikit ang mata.