Kabanata 24: Paghihiwalay ng Mag-ina

Nakauwi na sina Aling Cecilia at Gwen sa bahay ng dalaga ngunit halos hindi pa rin sila nag-uusap dahil naramdaman ng ina na parang mas pinipili ng anak niya si Erik kaysa sa kanya.

“Alam mo anak, mas maganda siguro kung uuwi muna ako sa probinsya, doon muna ako sa bahay ng kapatid ko at mas ligtas ako doon kaysa dito sa bahay mo na nasa gitna ng siyudad kung saan napakarami ng tao na nakapalibot. Hindi natin alam baka isa sila sa mga pumatay sa ama mo,” ani Aling Cecilia na hinahanda ang mga gamit para ilagay sa maleta.

“Ina, alam ko kung bakit mo ito ginagawa, mas iniisip mo na mas mahalaga sa akin si Erik kaysa sa iyo. Wala naman kaming relasyon ni Erik kaya imposible ang iniisip mo na mas pipiliin ko siya kaysa sa iyo. Hindi makatarungan na pagpiliin po ninyo ako sa inyong dalawa dahil wala naman pong ibang pagpipilian kundi kayo,” usal naman ni Gwen.

“Kaya nga hindi mo ako sinusunod dahil hindi mo kayang pumili sa aming dalawa? Ganoon na ba si Erik sa iyo na halos magkasinghalaga