Kabanata 37

( Amina's POV )

[ Abot-tainga ang ngiti ko habang naglalakad sa malaparaisong hardin na punong-puno ng nagagandahang bulaklak. Ngayon lamang ako nakakita ng ganito kagagandang bulaklak na parang imported. Sari-saring klase at may iba't-ibang kulay na mas lalong nakapagbigay atraksyon sa aking mga mata at tuwa sa aking puso. Panandaliang nawaglit ang pighati at pagdurusa na aking nararamdaman.

"Amina!"

Naudlot ang pagpapantasya ko sa mga bulaklak nang marinig ang pagtawag ng isang napakapamilyar na boses.

Napalingon ako sa pinagmulan niyon. At gayun na lamang ang galak ko ng makita si Tiyang Loyda. Nakangiti ito habang kumakaway sa akin. Napakaaliwalas ng kanyang mukha at nakasuot ng bestidang puti.

"Tiyaaaaang!" Di magkandaugagang sambit ko habang tinatahak ang daan upang makalapit sa kinatatayuan niya.

At halos mapahagulhol ako ng iyak nang tuluyan siyang mayakap.

"Tiyang! Miss na miss na kita."

Wala siyang naging sagot ngunit ramdam ko ang higpit ng kanyang yakap pabalik habang h