Kabanata 38

Sa ilang linggo na pamamalagi ko rito ay halos araw-araw ko ring nililibot ang resort. At kahit mag-isa ako ay nakaramdam ako ng ginhawa nang masilayan ang napakagandang paligid at mga halaman. Ngayon ko pa lang kasi ito nalibot dahil nakabantay-sarado naman sa akin noon ang hinayup*k.

Pakiramdam ko para akong nasa paraiso. Napakagandang pagmasdan ng kalikasan na purong natural at tanging hampas ng alon at huni ng ibon at kulisap lang ang maririnig mo.

Sa munting gubat ay may mga gulay at prutas pa na kagaya ng saging at buko na siyang kinagigiliwan kong kainin. Halos araw-araw nalang ata nagsisikap akong makasungkit ng buko dahil hindi ako tinantanan ng pagkatakam.

Kaya mas lalo akong nabuhayan ng loob. Na kahit paubos na ang tinitipid kong natitira na stocks ng bigas at de lata ay mabubuhay pa rin ako dahil alam kong hindi mauubusan ng pagkain sa gubat. Idagdag pa ang karagatan na sagana rin sa preskong isda at iba pang pagkaing dagat.

Sadyang hindi talaga ako pinapabayaan ng Maykapa