Kabanata 54

( Amina's POV )

Gaya nga ng inaasahan ko ay naging maayos ang kalagayan ko dito sa mga sumunod na araw at linggo kasama sina Tita Melba at Manang Rosa. Walang araw na hindi ako napapangiti sa dalawang ginang na parehong palakwento at palabiro.

Si Mama Amanda naman ay babalik na sana sa Pilipinas para asikasuhin ang tungkol kay Amari. Kaso hindi natuloy dahil ginulantang kami isang araw sa balita na itinawag ni Zander.

Ayon sa kanya, ay nakausap niya na si Amari ng masinsinan matapos pumanaw ang ginang na umampon sa kakambal ko. Hindi raw nakayanan ng ginang ang operasyon dahil na rin sa mahina na ang puso nito, na naging dahilan ng pagpanaw nito.

At dahil wala ng ibang itinuring na pamilya si Amari ay mabilis siyang napapayag ni Zander tungkol sa pagsama sa kanya papunta rito sa Amerika. Ang nabanggit lang ni Zander sa kanya ay isasama lang siyang magbakasyon dito. Wala na munang binanggit si Zander na naririto kami, na tunay niyang pamilya dahil binalak na rin namin siyang surpresahin