Kabanata 53

Di ko alam kung ilang oras ang naging biyahe namin ni Mama Amanda dahil nakatulog ako. Basta alam ko lang napakahaba ng oras dahil nakaramdam agad ako ng pagod pagkalapag ng eroplano sa airport ng Los Angeles.

"Ayos ka lang?" Concern na tanong niya habang inalalayan ako.

"Opo mama, medyo pagod lang po. Ngayon lang po kasi ako nakasakay ng eroplano." Pagtatapat ko na ikinangiti niya.

"Ganoon ba. Hayaan mo, ngayong kasama mo na ako, kahit araw arawin pa natin ang pagsakay." Pagbibiro niya kaya napangisi nalang ako.

Agad kaming tumungo sa sinabi ni mama na sundo namin. May nabili raw kasi siyang unit dito sa Los Angeles noon at kapitbahay lang din daw namin ang matalik niyang kaibigan.

Inabot din kami ng halos isang oras sa biyahe gawa ng traffic bago namin narating ang unit niya.

"We're here anak." Masayang turan niya kaya napangiti ako.

Sabay kaming bumaba ni mama nang pagbuksan kami ng driver.

Kapwa kami napangiti nang salubungin kami ng dalawang babae na kaedaran lang ni mama.

"Welco