Kabanata 52

Napag-usapan din namin ni Ms. Amanda na sa Bulacan na muna ako uuwi, sa ancestral house ni Zander dahil mas safe ako roon kumpara dito sa syudad ng Maynila. Naintindihan naman niya at nangakong bibisitahin niya nalang ako palagi hangga't hindi pa niya naaasikaso ang mga papel na kakailanganin para madala niya ako sa ibang bansa.

Sinabi na rin namin kay Zander ang lahat at nangako siyang tutulong para makita at makausap ni Ms. Amanda ang kakambal kong si Amari. Napagkasunduan din kasi namin na siya nalang muna ang haharap at kakausap kay Amari dahil sa kalagayan ko. Isa pa nagkakilala na si Amari at ang hayop na Drake na iyon kaya dapat lang na magdoble ingat ako sa pakikipagkita sa kakambal ko kahit ang totoo'y gustong-gusto ko na siyang makilala.

Pagdating namin kanina ay naikwento ko rin kay Manang Celia ang lahat at maging siya ay gulat na gulat rin. Kahit naman ata sino ay talagang magugulantang, lalo na ang realidad na ang kagaya kong laki sa hirap ng buhay ay isa palang anak may