Chapter Nineteen 

HINDI man tiyak ni Hannah kung saan siya pupunta, pinili pa rin niyang lumakad nang lumakad. Ewan nga lang niya kung bakit hindi pa rin siya nakakaramdam ng pagod kahit na ang layo-layo na ng kanyang nalakbay. 

“Hannah Marie!”

Bigla siyang napahinto sa kanyang paglakad nang marinig niya ang mariing pagtawag ng boses na iyon sa kanyang pangalan. Kilalang-kilala niya kung sino ang nagmamay-ari ng boses na iyon kaya bigla siyang nag-about face. Talagang nanlaki ang kanyang mga mata nang makita niya ang kanyang Lola Juana. 

Hindi pa nga siya nakaka-recover sa pagkabigla nang makita niya ito, nanlaki na naman ang kanyang mga mata nang sumulpot din sa tabi nito ang kanyang Lola Salome. Wari’y sabik na sabik na makaharap siya. 

Kahit na alam niy