Chapter 20

KINABUKASAN, Biyernes. Kinukuha ni Ensley ang mga libro sa locker niya na ka-kailangan sa unang klase nila. Hindi niya maiwasan na marinig ang mga pinag uusapan sa paligid.

"Have you heard, pinatakbo raw si Dior sa oval ng 30 beses dahil late na raw ito dumating sa training nila at masama pa ang timpla."

Napalingon naman siya sa mga babae na nag kukwentuhan. Nang mahuli siya nakatingin sa mga ito ay tinaasan siya ng kilay ng mga ito at umiwas na lang siya ng tingin.

Dumiretso na siya sa unang klase niya at hindi niya maiwasan maisip si Dior. Oo, inis siya rito pero hindi niya maiwasan na mag alala rito.

Lalo na puro balita kay Dior ang naririnig niya sa buong paligid.

"Are you okay? Kanina ka pa tulala, may iniisip ka ba?" Nabalik si Ensley sa realidad at napalingon kay Chloe. "Nung unang klase ka pa ganyan, nasa huling klase na tayo." Habol pa ni Chloe rito.

"Ayos lang ako, masakit lang ulo ko." Sagot na lang ni Ensley dito at nag kibit balikat na lang si Chloe sa sagot nito.

••