Kabanata 26

Weston Vega

"Ay talaga bang asawa ka nitong bata na ito?" tanong ni Sister Mabel sa akin.

Hinawakan pa niya ang balikat ni Indie na kumakain ngayon. Pagkatapos ng rebelasyon na iyon ay inaya na kami sa loob. Inaliw muna ng mga bata si Indie hanggang sa tinawag na sila dahil maliligo na raw. Maghahanda na rin kasi ang mga bata dahil dumating na raw ang teacher na magtuturo sa kanila sa in-house everyday class ng mga ito. Inalok kami ni Mother Mabel na kumain ng lugaw at hindi naman kami tumanggi. Kumakain din naman ako nito. Nasabi na rin namin na may mga boxes para sa kanila at kukunin na lang mamaya para ipasok sa storage room nila. Nagbigay din ako kay Sister Mabel ng donation for the orphanage at grabe ang pasasalamat niya sa akin kanina.

"Ay, totoo nga!" sabi pa niya nang makita ang singsing sa daliri ko. Kay Indie na kamay naman ang tiningnan niya at nagtaka na makitang wala itong suot.

Sumenyas si Indie at sinabi ko iyon. "Hindi niya po isinuot dahil baka mawala." Nakalusot