Kabanata 56

Indie Emerson

"Ililibre mo ako?" pa-cute na tanong ni Maya sa akin.

Kahit hindi niya tanungin ay gagawin ko naman. Ngayon lang ulit kami nagkasama sa isang Art exhibit pagkatapos ng ilang buwan. Malaki-laki ang nakuha ko sa bidding kaya ililibre ko talaga siya. Na-miss ko rin 'yong ganitong event kaya hindi ko 'to pinalampas. Kahit masama ang pakiramdam ko ay pumunta talaga ako. Ang sakit ng ulo ko na para bang pinukpok 'to, sobrang init pa ng mukhang ko. Ayoko rin naman biguin si Madam Sonya dahil inaabangan niya ako.

"Ang saya kanina, 'no? Ang galing pa nung performer na kinuha ni Madam. Ang sarap sa tainga pakinggan ng boses niya! Para kang hinihila papuntang higaan!" natutuwa niyang sambit.

Tumango ako sa kanya at nginitian siya. Isang oras na ang nakalipas magmula nung matapos ang Art Exhibit. May dinner magaganap pero mamaya pa iyon at nagdadalawang isip pa kami ni Maya kung pupunta ba kami or kakain na lang sa labas. Kakakuha ko lang din kasi nung cheque galing sa bidding,