baliw

"Maluka ka sa kakaisip sa mga nakikita mo. Tanga ka pa rin hanggang ngayon? Paano ako namatay, e, heto ako at buhay na buhay? Mamatay ako pero sisiguraduhin ko na mauuna muna kayo," sa isip-isip ni Selina.

Matagal niyang inintay ang pagkakataon na ito upang makapahiganti. Ang kalagayan ni Selina ngayon ay palala na nang palala kaya naman minamadali na niya ang mga bagay bagay. Mas malala siya ngayon kaysa noon. Marami siyang kayang gawin ngayon na bunga ng mga hinanakit ng kanyang kahapon.

Kagaya ngayon, nakakapasok siya sa mansyon sa kahit na anumang oras. Dahil doktor si Selina ay kayang kaya niyang magsuot ng isang maskara kumporme sa kung sino ang gusto niyang gayahin. Ngayon ay mukha ni manang Joy ang kanyang isinuot upang baliwin si Hailey. Naisip ni Selina ang ganitong taktika upang walang maging sagabal sa kanyang plano. Kagaya ngayon, kausap niya si Hailey bilang si manang Joy.

Sino bang mag-iisip na nakasuot lamang si Selina ng maskara at ibang manang Joy ang kausap niya.