26.

Nakangiting bumaba mula sa bike na ang trese anyos na Xerxes dala ang bulaklak na balak nitong ibigay ngayong Valentines para sa mommy nito. Nagawa pa niyang tumakas sa kanyang mga bantay para lamang mabilhan ng personal na regalo ang mommy niya. Dahil sa pagiging Mafia Boss ng kanyang ama ay maingat ito sa maaring nakaambang panganib sa kanilang mag ina.

Kumunot ang noo ni Xerxes nang mapansin na madilim sa loob nang kanilang Villa, wala siyang nakitang ilaw, wala rin ang mga bantay na inatasan na magbantay sa tarangkahan. Bigla ang paggapang ng kaba sa dibdib ni Xerxes nang pagbukas ng main door ay naro'n ang personal assistant ng kanyang ina na nakahandusay at wala nang buhay.

"M-Mommy?" Mas lalo lamang nadagdagan ang takot ni Xerxes dahil sa patay-sinding chandelier na halos malaglag na mula sa pagkakabit sa itaas ng kisame dahil mayro'n itong tama ng mga bala. Puno nang pagkasindak ang mukha niya nang makita ang ilan pa sa kanilang mga tauhan na nakahandusay at wala nang mga buhay