51.

“Ma’am Erza, hanggang ngayon ay nagmamatigas parin siya at mas pinili na hindi kumain.“ Sumbong ng kasambahay na inutusan niya dalhan ng makakain ang anak niyang si Apol.

Bumuntonghininga si Erza. Wala siyang magawa kundi ang mag utos nalang sa iba dahil hindi siya pwedeng lumabas ng sariling kwarto para puntahan si Apol.

Si Gervin ang dahilan kung bakit nalaman ng asawa niya na buhay ang anak nilang si Apol. Nang malaman ni Marjo na si Apol ang anak nila at inilihim niya ang katotohanan na buhay pa ito ay sinaktan siya nito at ikinulong sa kwarto nila.

“Aling Erwina, ang anak ko, ikaw na ang bahala na mag asikaso sa kanya. Ibigay mo lahat ng kailangan niya… Gusto ko man na puntahan siya ay hindi maaari dahil sigurado na ibabalik lang ako ng mga bantay.” Gusto man niya tulungan ang anak ay hindi niya iyon magagawa sa ngayon.

“Huwag kang mag alala, ma’am Erza, ako na ang bahala sa anak mo. Mabuti pa ay magpahinga ka para maghilom ang mga pasa at sugat mo sa katawan.” May pag aalala