Chapter 23 Reality

Children of tomorrow were wasted because of greed. Mga negosyante at pulitiko na walang pakialam sa ibang aspeto ng buhay kung hindi ang maghangad ng dagdag na yaman. Maging ang mga ordinaryong tao na manhid sa hinaing ng iba at tanging sarili lamang ang mahalaga. Ito ang panget na reyalidad ng buhay.

Habang natatrapik sa kahabaan ng kalsadang binabagtas ay napansin ni Oliver ang mga pulubing nanghihingi ng limos sa lansangan. Bitbit ang kanilang natutulog na sanggol ay kumakatok ang mga pulubi sa bawat bintana ng sasakyan. Karamihan ay kibit balikat lamang ngunit meron din namang ilan na nag-aabot ng limos. Ang iba ay inilalaglag na lamang sa kalsada ang barya sa halip na iabot sa nakalahad na kamay. Malamang ay nandidiri ang mga ito na madantayan ang nanlilimahid na kamay.

Naitanong tuloy ni Oliver sa sarili kung bakit ganito ang buhay. Nilalang raw ang tao na pantay pantay ngunit bakit may mahirap at may panget na tulad ni Banjo Canoy at ng mga anak niya.

Dumukot ng pera sa kanyang