Chapter 35 True love's irony

NANG sumunod na mga araw ay naging makulay ang lahat para kay Elisa. Ang pinipigilan niyang damdamin para kay Oliver ay nagkaroon na ng katuparan. Sa unang pagkakataon naman ay nakaramdam ng katiwasayan sa isip at puso si Oliver. Isang damdaming bago para sa kanya. Hindi niya ito naramdaman sa mga nauna na niyang mga nobya.

Yung iba kasi ay bunga lang ng kanyang paghihiganti. Relasyon na may poot at pagkukuwari. Samantalang si Elisa ay busilak ang kanyang hangarin. Gusto niya itong makasama habang buhay at maging gabay sa kanyang pagtanda.

May isang kulang na lamang dahil ng subukan niyang halikan ang dalaga ay tamis ng labi lamang ang kanyang nadama ngunit wala ang pagnanasa bilang lalaki.

Nasa isang resthouse sila noon. Nasa tabing dagat at may natuklasan si Oliver. Nang magsuot ng pang-ligo si Elisa ay lalong lumitaw ang magandang hubog ng katawan nito. Lumabas ang tagong kinis na sadyang natural at hindi produkto ng mga pampaganda. Dati kasi ay laging pantalon at t-shirt lang ang