Chapter 34 The Proposal

NANG araw na yon ay dinalaw ni Oliver ang mga anak sa pangangalaga nina Aling Lagring at Elisa. Nagising siya ng umagang iyon na matamlay. Nang mga gabing nakaraan ay mailap sa kanya ang antok. Hindi siya makatulog kaya sadyang itinabi muna niya ang mga gadgets na maaaring maging istorbo sa kanyang pagtulog.

Ang kanyang pagkabalisa ay sanhi ng sobrang lungkot na nadarama niya. Tila nawalan na kasi ng direksiyon ang kanyang buhay. May mga umagang nakakatamad na ang bumangon. Oo nga’t maraming naiinggit sa kanya bilang si Oliver Calderon na mayaman at magandang lalake ngunit sa kaibuturan ng kanyang puso ay siya pa rin si Banjo Canoy. Noon ay nililibang niya ang kanyang sarili sa pamamagitan ng pakikipag-relasyon sa iba’t ibang babae ngunit ngayong wala na siyang kakayahang makipagtalik ay natapos na ang yugtong iyon ng kanyang buhay. Ang minsang kahihiyan na naranasan niya dahil nabigo siyang paligayahin ang isang babae ay ayaw na niyang ulitin. Kaya sadyang umiiwas na siya sa mga baba