Chapter 61

Mula kahapon ay tuliro na ang isip ni Katie. Nadagdagan pa iyon nang isang tawag muli ang nataggap niya.

“Patikim lang yung kahapon! Gusto mong sampulan ko ulit?” Isang malakas na tawa mula sa kabilang linya ang sunod niyang narinig. “Tanya ba pangalan ng dalaga mong pinsan?”

Nanlamig ang buong katawan niya. Hindi na lang basta takot ang nadarama niya sa mga sandaling iyon, galit na rin.

“Sino ka ba? Hindi ka ba titigil!” singhal niya rito. Wala si Zach doon dahil inaayos nito ang kaso ng kapatid.

“Tsk! Tsk! Tsk! Nagsisimula pa lang ako— titigil na? I will, but not unless you leave Silva. Iwanan mo siya. Iyon ang gusto ko,” seryosong wika nito. “At paalala ko lang sa iyo, huwag na huwag kang magsusumbong lalo na sa kaibigan mong si Sgt. Felipe. Manganganak na ang asawa niya, hindi ba? Siguradong uunahin ko ang mag-ina niya kasunod ang kaibigan mo!”

“Itigil mo na ito dahil hindi ako natatakot sa isang duwag na kagaya mo. Bakit hindi na lang tayo magharap? Bakit hindi ka magpakilala? Na