Chapter 60

Nakatitig siya sa malaking orasan dahil alas-kwatro na ay wala pa si Zach. Nagpaalam ito kanina na may aayusing hanay at mga trainings na dadaluhan.

Wala itong mensahe mula pa kanina. Dahil walang magawa, inayos niya muna ang pagkain sa pantry. Hindi kasi niya maipaliwanag ang nararamdaman. May kabang namumuo sa dibdib niya dahil ngayon lang nangyari na hindi man lang tumawag sa kaniya maghapon si Zach.

Gaano ba siya ka-busy? Tanong na sa sarili.

Nagulat siya nang tumunog ang telepono sa ibabaw ng lamesa ng binata. Mabilis niya iyong sinagot.

Baka kasi ang lalaki na iyon.

“Office of the general, this is his secretary, how can help you?” may lambing na wika niya.

Kung ito ang binata, mapipilitang umuwi ito agad kung nasaan man ito. Alam nyang hindi siya nito matitiis.

Pero ilang minuto na ang lumipas, wala pa ring nagsasalita sa kabilang linya. Mga kaluskos lang sa paligid ang tangi niyang naririnig.

“Hello?” ulit niya.

Pero wala pa ring sumasagot. Minabuti niyang ibaba na lang sana iy