Chapter 59

Masaya silang umuwi ni Zach nang araw na iyon. Nalimutan na niya ang tungkol sa kahon na natanggap kanina sa kampo.

Dumaan sila sa isang mall para humanap ng damit sa susuotin sa kasal ni Leigh, dahil sa isang araw na iyon. Nakailang ikot din sila bago nakahanap ng akmang damit, saka sila pumasok sa isang restaurant para kumain muna. Habang nag-o-order si Zach nagpaalam siya na magbabanyo muna.

Pagdating sa loob, medyo nakaramdam siya ng pagkahilo. Napahawak siya sa hamba ng pinto at pumikit bahagya nang bigla namang humilab ang sikmura niya saka siya naduwal.

“Hey! Are you okay?” tanong ng babaeng kasunod niya. Hinagod niya ang kaniyang likod.

Medyo nahimasmasan naman siya.

Tumango siya rito at ngumiti. “Thank you. I’m okay now,” aniya. Pero ang totoo, naduduwal pa siya.

Humarap siya sa salamin at naghugas ng kamay. Pinagmasdan niya ring mabuti ang sarili. Medyo namumutla siya.

“Are you sure? I will call your companion to get here,” anang babaeng hindi pa rin pala umaalis sa kaniya