CHAPTER 97

Almost six years ago, nang tawagan ni Sharko si Victor. Kalalabas lang niya ng banyo. Tamang- tama ng tawag ni Sharko. Pinili ni Victor ang paborito niyang damit at sapatos.

“Boss, hihintayin ka daw ng babae sa Hotel Suite, 10th floor.”

Binati si Victor ng mga chambermaid na kalalabas lang sa isang kuwarto habang itinutulak ang trolley ng mga maruruming bedsheets at punda. Kinindatan pa siya ng isang crew at nagpa-cute pa ng kaway sa kanya.

Gumanti ng kindat si Victor habang binasa ang labi nito at ngumisi. Hindi nagmadali ang binata. Sumakay siya sa elevator na saktong bumukas.

“10th Floor, please!" utos niya sa elevator operator.

“Yes Sir.” Bahagyang nakaramdam ng kaba si Victor. Humugot siya ng malalim na hininga paglabas niya.

Lumingon sa kaliwa’t kana. Mabigat ang yabag ng kanyang sapatos na gawa sa balat. Inayos niya ang kanyang tux. Sumunod sa kanya ang ilan sa kanyang mga tauhan upang bantayan ang labas ng kanyang pinto.

“Pagpasok ko, ako na ang bahala. Bumaba na kayo.”