Chapter Seventy One

NAMIMILI na ng isusuot ng mga oras na iyon si Beatrice sa pupuntahan niyang pagtitipon.

"Ano bang mas magandang isuot iyong pula o blue?" Pakikipag-usap ni Beatrice sa sarili habang pinapasadaan niya ang dalawang imported na long gown na nasa ibabaw ng kama niya ng mga oras na iyon.

Tapos na siya sa paglalagay ng make up sa mukha at nakapili na rin siya ng mga jewerly set na gagamitin niya sa gabing iyon. Pero hanggang sa mga sandaling iyon ay hindi pa rin nakakapag-decide si Beatrice.

"This is so frustrating!" angil ni Beatrice na hinawakan pa ang magkabilang sentido para bang biglang nanakit iyon na hindi niya mawari.

Hanggang isang katok ang narinig ng dalaga sa pinto. Nang buksan niya iyon ay ang dalawa niyang bestfriend na si Penelope at Farah iyon.

"Bii! gosh! wala ka pa rin pagbabago sa personal huh! magandang-maganda ka pa rin!" Puri ni Penelope na nakipag-appear pa kay Beatrice.

"Sinabi mo pa bii, kita mo parang hindi nanganak!" Segunda naman ni Farah na naglakad na papasok a