Chapter Sixty Five

IMINULAT ni Beatrice ang mata, kita niya ang pagpasok ni Doc Chavez at Don Vicenti sa private room niya sa hospital na iyon kung saan siya itinakbo matapos na mawalan siya ng malay pagkatapos niyang masaksihan ang nangyari kay Rudny.

"May nararamdaman ka pa bang hindi maganda iha?"tanong ng Doctor matapos na pakinggan nito ang heartbeat niya ng mga sandaling iyon gamit ang stethoscope.

"W-wala na po," sagot niya.

"Good, bukas na bukas ay maari ka ng lumabas. Sige na kumpare at kailangan ko pang mag-rounds, kung may kakailanganin kayo just call some nurse staff in the station okay." Bilin pa nito.

"Salamat Chavez," tugon ni Don Vicenti matapos itong tapikin ang balikat niya.

Maya-maya ay tuluyan na rin naman naupo ito sa malambot na sofa na nasa silid ng anak. Mamahalin at moderno ang silid na kinuha ni Seth para kay Beatrice. Sa kadahilanan na rin na malaki ang naging atraso ng ama nito sa pamilya nila.

"Bea, anak, sobra akong nag-aalala sa nangyari. A-akala ko ay mawawala ka na sa a