Kabanata 6

NAKAGAT ni Savannah ang pang-ibabang labi habang umiiyak dahil pakiramdam niya, wala siyang kakampi para ipaglaban ang sarili niyang kaligayahan. Lahat na lang ba ng gusto ng pamilya niya, dapat niyang sundin? Paano naman ang sarili niya, ang gusto niya para sa kaniyang sarili? Idagdag pa ang mapangahas na ginawa ni Damon sa kaniya kanina. Nagagalit at naiinis siya sa binata dahil sa ginawa nito at sa pagsunod nito sa lahat ng gusto ng kaniyang ama.

Lumingon siya nang marinig ang sunod-sunod na pagkatok sa pinto nang silid ng Villa kung saan siya naroon para tahimik na umiyak at pagaanin ang sarili sa pamamagitan niyon.

Matapos niyang magising sa silid na iyon na labis niyang pinagtakhan kung bakit siya naroon at paano siya nakarating sa condo ni Damon, nagpasiya siyang pumunta sa resort na pag-aari nila sa Tagaytay. Ayaw niyang umuwi dahil pipilitin lang siya ng kaniyang ama na magpakasal.

Mabuti na lang at maaga siyang nagising habang tulog pa si Damon, dahil alam niyang inutusan it