Chapter 58

“F-FERNAND!” kabadong sambit ni Monica nang makita si Fernand na pumasok ng kuwarto. “Bakit kailangan mong gawin ‘to?” mangiyak-ngiyak niyang saad.

Tumayo sa tapat niya ang lalaki ngunit hindi nagsalita. Sinuyod niya ito ng tingin. Nakasuot ito ng black suit at pansin niya na medyo nahumpak ang katawan nito, hindi kasing kisig ng unang kita niya.

Kumislot siya nang tuluyan itong lumapit sa kan’ya at hinawakan ang kan’yang baba. Inangat nito ang mukha niya kaya napatitig siya sa mga mata nito. Mayamaya rin ay lumayo ito pero walang sinabi. May dinukot ito sa bulsa ng pants, ang kan’yang cellphone. Inilapag nito iyon sa lamesa bago lumabas.

Ang weird lang bakit hindi siya kinausap ni Fernand. Bumaba siya ng kama at kinuha ang kan’yang cellphone. Na-drain na ang battery nito pero may dala naman siyang charger sa bag. Nag-charge kaagad siya ng cellphone at hinintay malamanan bago binuksan.

Nabuksan nga ang cellphone ngunit mahina ang signal. May data pa siya kaya nag-chat siya kay Fed