Chapter 58

NAPATULALA NA LANG SI Reese kay Hycent sa sinabi nito. Hindi niya inaasahan ang mga inamin nito.

"Ka-kailan pa?" Namutawi sa kanyang bibig ang katanungan sa isip niya. Ang lakas nang tibok ng puso niya. Halo-halo emosyon na rin ang nararamdaman niya. Pati yata kamay niya ay nanginginig na rin dahil sa kaba.

Nasundan niya ng tingin si Hycent na mas lumapit sa kanya at nagulantang siya nang ikulong nito ang kanyang mga palad sa mga palad nito. Gusto niyang bawiin ang mga palad ngunit hindi siya makagalaw.

"Your trembling," mahinang usal nito dahilan upang buong pwersa niyang hilahin ang mga palad mula rito at humakbang paatras upang magkaroon ng distansya sa pagitan nila.

Tumikhim siya. "Si-since when?" muli niyang tanong.

Sumeryoso ang ekspresyon ng mukha nito saka namulsa. "Just recently, two days ago," tugon nito habang matiim pa rin ang pagkakatitig sa kanya kaya naman mas lalo siya nailang. Mabilis niyang iniwas ang tingin mula rito.

Ano ba dapat niyang sabihin? Alam na nito, per