Chapter 59

HINDI PA rin makapaniwala si Hycent sa mga nalaman. Pero sa ngayon ay may mas dapat silang pagtuunan ng pansin. Sapat na sa kanya malaman na mahal rin siya ni Reese. Walang pagsidlan ang sayang nararamdaman niya. Ngunit kailangan niya muna isantabi 'yun at siguraduhin ang kaligtasan ng babaeng minamahal.

Ayaw niyang isama ito pero desidido si Reese na sumama sa kanya. Kaya kahit labag sa loob niya ay pumayag na lamang siya.

Magkasalikop ang kamay nilang nakasunod sa isa sa limang lalaking sumundo sa kanila sa hotel. Habang ang apat ay nakapalibot sa kanila na para bang may gagawin silang hindi maganda. Halos kalahating oras ang binyahe nila bago huminto ang sasakyan sa isang liblib na lugar.

Natatakot siya hindi para sa sarili kundi para kay Reese. Baka ano ang gawin na naman ni Marlon rito. Hindi niya alam kung nakasunod sa kanila sina Arsen kahit na sinabihan na siya ni Reese na nakaplano ang lahat. Natatakot pa rin siya. Hindi para sa sarili kundi para rito.

Naramdaman niya ang pa