Kabanata 33

Nang makarating na si Shaina sa kasalukuyang tinutuluyan ng kaniyang mga kapatid ay apurahan itong pumasok sa loob at hinanap kaagad si Aubrey, ang ika-apat niyang kapatid.

"Nasaan si Aubrey? bakit wala siya rito sa loob ng bahay?" ang bungad niyang tanong nang makapasok na siya sa loob.

"Ate Shaina? napadalaw ka?" usisa naman ng isang kapatid nito sa kaniya ang pangalawa sa pitong magkakapatid.

"Si Aubrey? nasaan si Aubrey?" ang paulit-ulit niyang tanong habang nililibot ang bawat silid roon sa loob.

Nakasunod naman sa likuran niya si Marie ang sumunod kay Mira.

"Ate Shaina, bakit mo hinahanap si Aubrey? may kailangan ka ba sa kaniya? may nagawa na naman ba siyang kalokohan?" ang itinanong ni Marie sa kaniya.

Natigilan naman saglit ang dalaga at napatunghay sa kaniya na may guhit ng kunot sa sariling noo.

"Ano ang ibig mong sabihin?" usisa niya.

"Nitong nakaraang araw lang ay pinatawag ako ng guro niya. Ang