Kabanata 63

"Ma, tama na. Ano ba ang nagawang kasalanan sa inyo ni Alona? kakatapos lang ng kasal naming dalawa pero ganiyan na kaagad ang pinapakita niyo sa kaniya. Hindi ba kayo nahihiya sa mga sinasabi niyo sa kaniya?" ang tinuran naman ni Karlos sa kaniyang ina.

Napangisi na lang ang ginang sa gilid ng kaniyang labi at may guhit ng kunot sa kaniyang noo na animoy hindi niya matanggap ang isinagot ng binata sa kaniya.

Tipong kokontra sana siya sa sinabi nito ngunit kaagad naman siyang napigilan ng kaniyang asawa at hinawakan sa braso niya.

"Tama na 'yan. May punto naman ang anak mo at saka, baka may makarinig pa sa inyong mag-ina. Mas nakakahiya kung magkataon at baka isipin pa ng iba ay sinisermunan mo na sila kaagad gayung kakakasal pa lamang nila. Huwag kayo gumawa ng ikahihiya ng pamilya natin. Hindi 'ko ito sinasabi para lang sa kapakanan natin kundi para na rin sa iyo, Alona. Kasal ka na ngayon kay Karlos at siya lang dapat ang inaasikaso mo, hindi ang ibang tao. L