Kabanata 65

"Balitaan mo ako pagkalipas ng isang linggo. Bantayan mo ng maigi si Shaina at kung maaari ay sundan mo siya kahit saang lupalop pa siya ng mundo magpunta." Ang huling salitang narinig ko mula kay Karlos, bago pa man ako humiwalay sa kaniya at sundin ang pinapautos niya sa akin.

Nakilala ko siya sa isang lansangan, noong ako ay hinahabol ng mga pulisya.

Masyadong delikado ang trabahong mayroon ako dahil sariling buhay ko ang nakasalalay dito, maraming batang nagugutom ang umaasa sa akin at hinihintay ang aking pagdating.

Sa lansangan ako lumaki, kasama ang mga badjao at mga pulubi.

Subalit nang magkaisip na ako ay ginamit ko naman ang sariling kakayahan ko at katalinuhan. Hindi ko kailanman naranasan ang mag-aral sa isang magandang eskwelahan. Ang lahat ng bagay ay natutunan ko lamang sa kalye o kalsada.

Nakikisilip at tagapagpakinig lamang ako nuon sa mga batang nag-aaral.

Paunti-unti ay tuturuan ko ang aking sarili at napag-aaralan ko ang