Chapter 19

Eana Beatrix

“Bye po, Auntie! Ikaw po ang susundo sa amin mamaya, ha?”

“May trabaho si Auntie e, si Lola Mama na muna ang susundo sa inyo mamaya. Okay lang ba?” ani ko habang inaayos ang kaniyang uniform.

Nauna na namin ihatid si Miko sa classroom nito samantalang narito pa kami sa labas ng classroom ni Artemis.

Nakita ko ang paglungkot ng mata niya ngunit mabilis din napalitan ng sigla. “Sige na nga po, Auntie. Iyon pong pasalubong namin ni Miko, huwag mo pong kalimutan.”

“Opo, aral mabuti, ha? Magpakabait. At huwag kayong lalabas sa classrooms ninyo kapag wala pa si Lola Mama at higit sa lahat, huwag sasama sa hindi kilalang tao. Okay?” paalala ko.

“Opo. Bye po ulit. I love you, Auntie!” aniya sabay halik sa magkabila kong pisngi.

Tumakbo na ito papasok at natanaw ko pang naupo sa kaniyang mesa. Hindi pa rin ako makapaniwala na sinambit niya sa akin ang tatlong katagang iyon. Gusto kong maiyak pero pinigilan ko