Chapter 32 - I was simply helping you

“Anong meron, dok Luigi?” Tanong ng kadarating lang na si Aly sa klinika nito. Ipinatong niya ang kanyang bag sa mesa at naupo sa sofa.

Minasdan ni Aly ang nakangiting doktor habang naghihintay ng kanyang isasagot, madali niyang napansin ang aliwalas ng kanyang mukha na nagpapatunay na mayroong magandang nangyari sa kanya.

“Maganda lang ang araw ko,” maiksi niyang tugon.

“Alam kong masaya ka, sabihin mo na sakin kung sinong nagpapasaya sayo? Kaysa pinapahula mo pa ako,” sabi ni Aly sa doktor.

Naging kaibigan na rin ni Aly ang dalawampu’t-limang anyos na si doktor Luigi simula ng naging personal doktor ng kanyang kaibigan ito at kalaunan ay nakapanatagan niya ng loob dahil sa kanilang magkaparehong ugali na tanging si Stephanie lang ang gumugulo sa kanilang mga tahimik na mundo ngunit kung hindi nila nakilala si Steph ay baka nawalan na ng saysay ang kanilang