Chapter 33 – Gusto kong pumunta sa lugar malayo sayo

“Steph’s POV”

Nanghina ang aking mga tuhod at napaupo ako sa kama matapos marinig ang masakit na salita na nagmula sa kanyang bibig, pakiramdam ko tuloy ay isa akong babaeng mababa lang sa kanyang paningin dahil sa binitawan niyang salita at kahit kailan ay hindi niya magugustuhan ang tulad ko.

Ano ba ang tulad ko? Masama ba akong babae, nakakasuka? Nakakadiri o pangit? Ganun ba ang tingin niya sakin. Masakit para sakin na malaman ang tumatakbo sa isipan niya laban sa akin.

Susubukan kong kalimutan ang nararamdaman ko para sa kanya dahil ayokong mas lumalim pa ito at ayokong maramdaman ang labis labis na sakit dahil hindi ko ito kakayanin.

Nakalingon lang ako sa bintana sa kaliwang side ko habang pinipigil ko ang aking mga luha na tumulo palabas ng aking mga mata nang maramdaman ko ang pagkirot ng aking ulo at marinig ko siyang muling magsalita, “may masakit pa ba sayo?”