Episode 37: Disgrace

Maria's POV

"What!" hiyaw niya sabay waslik ng braso para bitawan siya ng mga tauhan ng asawa. "What do you mean na fake ang bitbit kong papeles, Father?" Napailing siya at pagalit na naglakad palapit sa pari kasabay ng pagsunod sa kanya ng mga tauhan ni Benjamin. "Papa'nong nangyari 'yon? Kinasal kami ng lalaking iyan sa isla namin at ang mga taong kasama ko ang makakapagpatunay na totoo ang lahat ng sinasabi ko!"

"Nagpatawag na rin ako ng tao sa registry office at sila mismo ang nagsabi na ang dokumentong ito ay peke." Napatango ang pari nang ibalik iyon sa kanya, "Iha," puno ng pang-unawa ang mukha nito nang ngitian siya. "Hindi ko alam ang pinagdadaanan mo pero ang payo ko, idaan mo sa legal na proseso ang lahat ng ito kung sa tingin mo ay may nagawang kasalanan si Benjamin sa'yo pero—legal ang kasalang ito oras na mairehistro namin ang kasal nila ngayon ni Venice."

Napailing siya. Hindi maaari! Pagalit niyang tinuro ang mga kababaryo na pinalipad ni Jacob sa Manila para maging