Kabanata 28

Simula nang magkita sila ng ama niya palagi ng nakakunot ang noo niya at tila ba napakalalim ng iniisip niya. Ganun na lang ba talaga ang galit ng Daddy niya sa kaniya? Dahil ba sa napahiya niya ito sa harap ng maraming tao? Gustuhin man niyang maging perfect daughter sa ama niya, ayaw niya namang lahat na lang ay kontrolin ng ama niya. Pati ba naman ang pag-aasawa niya ay pakikialamanan nito? Gusto lang naman niyang mabuhay ng masaya at payapa. Ang pag-aasawa, panghabang buhay na pangako yun at pagsasama. Ayaw niyang pilitin ang sarili niyang mahalin ang isang tao dahil naniniwala siyang kapag puso na ang naghanap at nagsabi sayo na ito ang mamahalin mo, wala kang magagawa kundi sundin ito.

Malayo pa lang ay kita na ni Caspian ang sasakyang gamit ni John para ihatid si Davina sa kaniya. Nakasunod lang ang paningin niya hanggang sa huminto na ito. Ilang metro pa rin ang layo mula sa kaniya.

“Nandito na po tayo Ma’am.” wika ni John nang makarating sila kung nasaan si Caspian. Tumingin