Kabanata 74

Nilihim ni Davina ang pagbubuntis niya, alam niya namang hindi rin magtatagal ay mahahalata ang tiyan niya pero mukha namang maliit ang tiyan niya kaya pwede pa niya itong itago hanggang 5 months. Gusto niya munang gawin ang trabaho niya, ayaw niyang umamin sa ama dahil alam niyang ikukulong lang siya nito sa bahay nila or worst baka ipaabort pa nito ang bata which is ayaw mangyari ni Davina.

Diretso ang tayo niya habang nagbabantay siya sa labas ng office ng presidente. Mabuti na lamang at tuwing umaga lang siya nakakaramdam ng hilo at pagkasuka huwag lang talaga siyang makakaamoy ng ayaw niya.

Napatakip na lang siya sa bibig niya nang humikab siya. Hindi niya talaga mapipigilan ang antok niya lalo na sa kalagayan niya.

“Hindi ka ba nakatulog ng maayos kagabi? Para kang puyat na puyat.” Wika sa kaniya ni Jillian na katabi niya lang.

“Nakakaantok lang talaga ang ganitong oras.” Tugon ni Davina pero tinaasan siya ng kilay ni Jillian.

“Sa pagkakaalam ko, hindi ka antukin Davina. Halos a