Kabanata 79

Nakalabas na ng hospital si Davina matapos niyang magpagaling ng halos dalawang linggo sa hospital. Gustuhin man ni Ava na manatili muna sana si Davina sa bahay nila para makapagpahinga, wala naman siyang nagawa nang dumiretso na ang anak niya sa headquarter nila.

Itinago pa rin nila ang tungkol sa pagbubuntis niya. Hindi na muna pinagtrabaho ni Mr. Flores si Davina sa mga mabibigat na trabaho dahil sa sugat niya. Ipinaiimbestiga na lang niya ang tungkol kay Gabrielle.

Hanggang ngayon ay hinahanap pa rin nila si Henry, mukhang wala na siyang plano na bumalik pa ng Pilipinas dahil naisiwalat na ang mga kasalanan niya pero ginagawa pa rin nilang lahat para mahuli siya.

“Wala pa rin bang balita kay Gabrielle?” tanong ni Davina sa mga kasama niya. Lahat sila ay nanatili sa office niya para pagtuunan na muna ang tungkol kay Gabrielle.

“Wala pa, simula nang tamaan siya ng baril nang kidnapin ka niya wala pa ring balita sa kaniya.” napatango-tango na lang si Davina. Hinilot niya ang sintido