26 Tawag Sa Telepono

Charlotte's POV

Binuksan niya ang pinto ng banyo ng kwarto ni Elijah. Parang narinig niya kasing pumasok na ito sa kwarto, pero wala naman ito sa loob nang sinilip niya.

Guni-guni lang ba niya 'yon o baka may multo dito sa loob ng kwarto ni Elijah?

Dahan-dahan pa siyang lumakad palapit sa higaan, pero halos tumakas ang kaluluwa niya sa katawan nang mag-ingay ang telepono na nakapatong sa table sa gilid ng kama.

Napapikit siya habang nakahawak sa dibdib. Hindi niya inaasahan 'yon. Tiningnan niya ang telepono na pakundap-kundap ang ilaw ng screen dahil sa tumatawag. Hindi niya phone 'yon, kay Elijah.

Hindi na sana niya pagkaka-abalahan pang sagutin dahil hindi naman sa kanya ang phone, pero sadyang makulit ang tumatawag. Lumapit siya at tinitigan muna ang screen ng telepono. Number lang ang nagpapakita na caller sa screen, walang pangalan.

Prank call lang kaya ito o emergency kaya number lang?

Atubili pa siyang hawakan ang telepono dahil nagdadalawang isip pa siya kung sasagutin o hindi