Kabanata 29.1

Maagang nagising si Mia, tinitingnan ang pwesto ng mga kasama. Talagang seryosong hindi umuwi yung dalawang lalaki at nanatili rito sa hospital. Si Stella ay nakatulog sa gilid ni Mia, si Ace ay sa sofa natulog habang si Aiden naman ay nakaupong natulog.

“Hindi ba ‘to mangalay sa pwesto niya?” tanong ni Mia, parang siya itong nahihirapan sa pwesto ni Aiden, nakayuko ang ulo at nakahalukipkip ang mga kamay sa dibdib. Napadaing na lang siya ng makaramdam siya ng pagkahilo at ng biglang sumakit ang sugat niya sa ulo.

Dahan-dahan siyang bumangon dahil masakit na ang katawan niya sa kakahiga.

“Hey,” paos pang wika ni Aiden nang maramdaman niya ang paggalaw ni Mia. Inalalayan niya ito sa pag-upo saka naupo sa tabi ni Mia. “Are you okay now?” namamaos pa ang boses dahil sa bagong gising pa ito, namumula pa rin ang mga mata.

“Hmmm, umuwi na lang sana kayo kesa sa nangalay kayo sa mga pwesto niyo.” Mahina niyang saad dahil tulog pa ang dalawa nilang kasama.

“No, it’s okay. Hindi rin naman kami