Kabanata 42.1

Ang lahat ng mga empleyado na nasa function hall ay nagtataka, punong puno ng mga katanungan. Nakikita pa naman nila na sweet at nag-uusap si Mia at Aiden tapos ngayon maririnig nila mismo sa ina ng Boss nila na engagement day niya ngayon?

“Nasan si Mia? Nakita niyo ba?” kinakabahang tanong ni Stella, maging siya ay nanginginig na ang kamay na dala-dala ang tray na may laman na wine glass.

“Hindi ko rin makita eh.” Sagot ni Sarah, inilibot nila ang paningin nila at nanlaki na lamang ang mga mata ni Kirsten ng makita niya si Mia na nasa harapan mismo kung saan kitang kita lamang si Aiden at ang kasama nitong babae.

“Nasa harapan siya.” Mahinang wika ni Kirsten, hinanap nila kung san bandang harap at nakita nila ito kung saan pantay na pantay sila ni Aiden at ng babaeng nakahawak sa braso niya.

“Damn it!” mahinang mura ni Stella, paano niya malalapitan si Mia kung mapapansin silang lahat. Kitang kita nilang nakatingala si Mia kay Aiden.

Hindi alam ni Mia ang gagawin niya, tila ba ilang