Kabanata 44.1

“Bakit parang napapadalas ang paglabas mo ng opisina mo ngayon?” tanong ni Mia habang nasa bench silang dalawa ni Aiden.

“I just want to see you,” kindat niyang wika kaya napailing na lang sa kaniya si Mia.

“Wala ka bang masyadong ginagawa?” kumagat pa muna si Aiden sa burger niya bago umiling kay Mia. Nasa harapan ang paningin niya at ayaw niyang titigan sa mga mata si Mia. Ayaw niyang sabihin dito na mag-iisang linggo na siyang wala sa pwesto niya at wala na sa kaniya ang hotel. Nagpupunta na lang siya kunwari rito para hindi magtaka si Mia.

“Siya nga pala, papayag ka ba kung sa condo ko na ikaw tutuloy? Don’t worry, dalawa naman ang kwarto ko dun.” Salubong ang mga kilay ni Mia na nilingon si Aiden. Masyado na naman nitong ginugulat si Mia.

“Pero bakit? Okay naman na ako dito sa hotel.” Ano pa bang dapat niyang sabihin at ipaliwanag ng hindi nagtataka sa kaniya ang dalaga?

“Dun ka na lang muna sa condo para may kasabay akong napasok dito saka para paggising ko sa umaga ikaw kaagad