Kabanata 43.2

Napatingin si Aiden sa pintuan ng office niya nang pumasok ang kaniyang ina.

“Hanggang kailan ka magtitiis Aiden? Hanggang saan ang kaya mong gawin? Sa huli, ako pa rin ang tatakbuhan at hihingan mo ng tulong.” Anas ng kaniyang ina.

“Hanggang kailan mo nga rin ba pahihirapan ang nag-iisa mong anak? Gaano ba kalalim ang poot diyan sa puso mo para hayaan akong maranasan din ang naranasan mo?”

“Hindi ko ito ginagawa para iparanas sayo kung anong naranasan ko?! Ginagawa ko ito para hindi mo na maranasan pa! Alam kong mahal mo ang hotel Aiden at ibabalik ko ito sayo ng buong buo, sundin mo lang ang gusto ko.” hilaw na tumawa si Aiden.

“Marumi ka maglaro Mom, para lang sa gusto mo kaya mong gawin ito sa sarili mong anak? Maayos na akong nabubuhay dito ng mag-isa pero simula nang dumating ka ginugulo mo ang buhay ko. Alam niyo bang hindi si Mia ang sisira ng buhay ko? dahil sa ginagawa niyo kayo mismo ang sumisira ng buhay ko.” hindi natinag si Aiden nang hampasin ng kaniyang ina ang lamesa