Kabanata 48.1

Break time nina Stella nang mapatanong si Sarah.

“Wala ka pa rin bang balita kay Mia?” pagtatanong niya rito, alam naman ng lahat na si Stella ang malapit na kaibigan ni Mia. May lungkot na umiling si Stella.

“Simula nang umalis siya at iwan si Sir Aiden, wala na akong balita sa kaniya. Sinubukan ko siyang hanapin pero bigo ako eh. Kung nasan man siya ngayon, I hope she’s okay.” Bakas ang lungkot sa boses niya saka uminom ng juice.

“Good afternoon Sir,” mabilis na tumayo sina Sarah at Kirsten, nakatalikod kasi si Stella kaya nilingon pa niya kung sino ang nasa likuran niya. Ng makita niya si Aiden ay yumuko na rin siya para magbigay galang, hindi niya naman kasi nakita ang pagdating nito. Pare-pareho silang natatakot dahil baka pagalitan sila ngayong naabutan silang mga nakaupo at nag-uusap usap pa pero lahat sila ay nakahinga ng maayos nang umalis na ang Boss.

Narinig lahat ni Aiden ang pinag-uusapan ng mga dating kaibigan ni Mia. Kung ganun, wala rin palang mga balita ang mga ito