Kabanata 36.1

Teka? Galit ba siya? Sino siya para magalit? Ako dapat ang nagagalit dito kasi ako yung ginawa niyang tanga at paniwalain na mag-asawa na kami! Ngayon nagawa pa niyang mambabae?

Mabilis ang lakad ko hanggang sa nasa likod na niya ako at isang baitang na lang ng hagdan ang pagitan namin.

"Pakealam? Hoi, probinsyano-"

"What?" Napalunok ako nang bigla siyang tumigil at humarap sa'kin. Dahil nasa likod niya ako at medyo mataas ang kinatatayuan ko muntikan na akong sumubsub sa mukha niya. Noong humarap siya ay malapit na ang mukha niya sa mukha ko.

Seryosong seryoso ang tingin niya at may halong inis.

"A-Ano ba kasing ginagawa mo rito?" Utal na tanong ko

"Ako ang nagtatanong niyan, what are you doing here? Bakit ka bigla bigla na lang pumapasok dito?"

Natigilan ako at mukhang napansin niya iyon. Ano ba kasing naisip mo, Zari? Bakit ka ba bigla bigla na lang pumapasok?

"Alis na ako," mahinang sambit ko at lalagpasan na sana siya, pero hinawakan nito ang kamay ko.

"Hindi pa ako kumakain."